美國寄香港集運 運費 價格 比較

美國寄香港集運 運費 價格 比較

以下資源為本人搜集,只供參考,請自行衡量風險(曾有集運突然結業),與本網無關。
本人只用過US-EX美國快遞,所以只是單純從價錢上的比較,請自行搜索各個轉運/集運信譽。

記住部分華人集運參差,所以大家要多留意。

華人集運

集運公司 路線 收費 州份(zip code) 消費稅 付款方法 地址 Remark
US-EX 美國快遞 香港自取(九龍灣) US$2.5/lb (2 lb起) OR (97218) 0% 支付寶 香港九龍灣啟興道2號太平洋貿易中心816 匯率US$1: RMB 6.5
另設有California倉(7.5 %Tax)
US-EX 美國快遞 送上門 US$10首重
$4續重(2 lb起)
OR (97218) 0% 支付寶 香港九龍灣啟興道2號太平洋貿易中心816 匯率US$1: RMB 6.5
另設有California倉(7.5 %Tax)
(差?)安心轉運 香港自取(屯門) RMB$16/lb(2 lb起) OR (97230) 0% ? 屯門建發街22號新興工業大廈701
信達速遞 香港自取(屯門) RMB$16/lb(2 lb起) DE(19711) 0% 支付寶 屯門震寰路3號德榮工業大廈7樓 7/F 707室 9折優惠中(RMB$14.4)
美國倉地址跟KK海淘一樣
KK海淘 香港自取(屯門) RMB$16/lb(2 lb起) DE(19711) 0% 支付寶 屯門震寰路3號德榮工業大廈3/F D-1室 美國倉地址跟信達速遞一樣
OYM-PTS 香港自取(荃灣) HK$50首重
$28續重
OR(97214) 0% 支付寶 荃灣2 – 8 號橫窩仔街永桂工業大廈 8樓 自取要額外加收費HK$60+(不建議使用)
百通 香港自取(荔枝角) US$5首重
$2.5續重
DE(19720) 0% 網銀,PP 香港荔枝角青山道550號恆發工業大廈4A室 要收入庫費

其他華人快遞可寄香港/香港自取
1. 上騰快遞 http://www.shangtengex.com/service2.asp
運費:4.5美金每磅 自提4美金每磅

2. 飛洋轉運 http://ebuy.shipgce.com/ListViewEdit.aspx?ID=63
同US-EX一樣地址,但價錢貴D

3. 飛魚快遞 http://www.feiyuwuliu.com/about/?3.html
同KK海淘和信達美國地址一樣,價錢同樣是RMB$16/lb,但完全唔覺有人討論,不建議使用

4. 斑馬快遞 http://tw.360zebra.com/default.aspx
荔枝角自取,但好複雜,有興趣可以自己看看,參考價錢首磅US$13,续磅US$6

5. 蜜蜂速遞 http://www.bee001.us/Home/Index
上水自取

6. DCS Global http://www.dcslogistics.us/default.aspx
最近好似暫停了香港自取

非華人快遞

1. 順豐 SFBuy
有信用,但好貴,US$14/lb(首重) US$3,4(續重)

2. Comgateway
同樣貴US$20.75(首0.5kg),續US$3.25(0.5kg)

3. MeiMeiExpress
獨立,提供較平label,價錢不算平

4. MyGiftBoxBoxes
同樣提供平label

本地系列

1. PieceUp
早前美國地址跟Bee一樣,最近轉做跟dcs global一樣,HK$28/lb,旺角自取

 

美國網購 集運 介紹 / 分析 / 教學

美國網購 集運 介紹 / 分析 / 教學

介紹
Amazon zozotown 樂天 asos gmarket taobao 淘寶

近年來,愈黎愈多人網購,不單只是內地的淘寶,日本的樂天,韓國的GMarket,連歐美等地市場也愈來愈多,慢慢受歡迎起來。當年網上購物開始時並不太流行,一直不被港人看好,給人感覺是香港咁方便,點解走去網上購物。但其實有時網上買野真係好抵,分分鐘仲平過門市買,有時不禁概嘆香港明明大部分物品都無銷售稅,但價錢卻比國外貴這麼多,可想而知中間給人吃掉了多少$$$。所以我今次會介紹一下美國網購,教大家怎集運送回香港的流程。

美國集運(跟淘寶差不多),運作模式是將不能直送香港的美國網購先寄到他們的地址,然後他們再一次過寄回來香港,目的是節省運費。

集運跟代購/團購分別 ?
代購/團購顧名思意是代為購買,往往只需提供物品的連結,他們就會報價,然後落單。最後付款等收貨,運送方式,可以自取或郵寄(當然貴D)。團購就每次針對特定的商店或網站,進行團購,透過集體購買,減低運送成本。

買家 —俾錢–> 代購/團購人—交收貨物–>買家

集運往往是個人模式,自己在網站落單,寄到集運的地址,然後可以選擇是否合箱直寄香港,最後在香港取貨。

買家 –俾錢買野–>商店 –運送到集運–> 集運公司
買家 –俾運費–>集運公司 — 運送返香港 –>買家

分析

代購/團購的好處
1. 省卻麻煩,只要一次性付款就可以
2. 即使買得少,也可以低價購買
3. 團購即是中伏,往往也有好多人跟你一起
4. 風險較低,有問題的話主要都是團購代購的事

代購/團購的壞處
1. 價錢貴,匯率差,食水深
2. 少自主性,唔可以控制落單(隨時賣晒無得買),甚至冇落單都唔知
3. 無法知道件貨去左邊/幾時收到,有時話明三個星期到,可能過左幾個月都收唔到
4. 有機會遇上假貨,始終唔係自己買,萬一對家是淘寶貨就….
5. 服務態度參差,往往好多客,一時三刻無法滿足每個客人的要求
6. 較自己訂慢,始終團購多貨,往往要點清楚同分貨,即使到香港也要花時間整理
7. 如果團購的話,只能買指定網站,少了選擇性
8. 有部分商戶可能會要求一次過俾晒錢,被騙的機會增加

集運的好處
1. 隨時落Order,自主性高
2. 較便宜,始終少左中間一層油水,可以慳多D,即使搵到折扣亦可以用
3. 可以賺信用卡積分,明碼真價
4. 可以集中貨物,一次過運返香港,減低直寄或不郵國外的問題

集運的壞處
1. 花時間,由買賣到運輸,要自己處理晒
2. 有機會掉貨,唔見左/壞了就要自己承擔
3. 部分網站局限美國信用卡
4. 集運地址較易被Ban
5. 同一商店往往買好多東西才能免美國境內運費
6. 部分集運是國內公司,可能要用支付寶付運費

其實選擇集運定團購要睇好多方面,所以大家可以針對個人的需要。
而我自己比較喜歡集運,所以已經很久沒有使用代購了。代購一般較為貴,分分鐘在香港買價錢可能相差無幾,團購多數限時難以即買,集運又驚唔見貨。

代購的賺錢模式好多是服務費/匯率同運費,請留意買得少可能要付上美國境內運費。

團購可能會相對平少少,但依然會食你運費/匯率,甚至話有稅(唔同州有不同的銷售稅)。不過曾聽說有團購是基於集運做團購去賺錢。

集運的賺錢模式是以量多賺錢,如果去到大貨(一次超過100+kg),利用快遞(e.g DHL/FEDEX) 最低可以0.5 -1美金/磅,又或者匯率(我都唔明點解依家仲係1:6.5),可想而知,某間集運是賺許多錢。

所以預期比人賺,不如自己盡量慳返D,最理想是一大班朋友一齊買,然後用集運。

集運教學

今次會依照美國快遞作為介紹整個集運流程,基本上不同的集運模式也差不多。

1. 首先要登記帳號
基本上只要依照官方教學 http://www.us-ex.com/ListViewEdit.aspx?ID=17

註冊網址: http://www.us-ex.com/zhuce.aspx

用戶名要使用真名,因為取貨時對返個名
部分集運會要求上傳身份證,但香港自取是不需要的,針對的是大陸人,所以可以忽略

2. 之後登入會員,跟住就會見到俄勒冈(香港仓)地址,果個就係專屬你個人的地址(要寫對地址同名),填寫送貨時要填對。
記住一定要選俄勒冈或其他免稅州,否則買野就要俾稅,隨時貴好多。
usex

3. 買完野,寄去上面個地址,你會有個Tracking Number (可以係DHL/UPS/USPS..etc..)。之後就去到貨預報,填返果個號碼,如果不需要合箱(部分會收費,美國快遞收10%) 就可以直接填發運貨單,依家有項填寫香港運單方便好多。

記住填收貨地址果度雖然自取,但都要填。我平時就隨意寫Hong Kong,但電話同收件人就要正確,佢地有機會打電話通知(好耐之前會,現在冇試過),收件人係拎貨時候對名。

4.入貨之後會更新狀態,同埋量重量,快就一日,慢就上去吹佢地。之後就知道運費幾多,運費以美金為單位,但用支付寶就1:6.5。如果想快就預先入D錢(用支付寶直接轉到指定帳號),磅完就會直接發貨到香港,否則就要等多幾日。

5. 到香港後就可以上去九龍灣拎貨(香港九龍灣啟興道2號太平洋貿易中心816),只要到時同佢地講返個帳號ID就得,之後佢地會影印你的身份證,然後就可以取貨,完成了。

最快試過由入庫到香港是前後三日,最慢可能是一個星期,感覺星期一發貨最好,周五六好似要等到星期一先會發貨,相對時間會耐左。

US-EX評價
筆者用左差不多兩年,當初是較少人知,主要都是大陸人(依家都係超多大陸人用),但運費暫時是經濟的(免稅州)。至今我還未遇過掉貨,亦曾經利用集運地址訂有A&F等易BAN的網都沒有問題,所以算做唔錯。但地點偏遠,次次都要行好遠路先到,而且有試過佢地搵好耐先搵到我件貨。USEX現在愈做愈大,搬左去8樓,看似有系統了。不過依舊不喜歡那匯率和用支付寶,看起來是便宜,但實際上也有運費貴少少匯率低少少,計返差不多價的集運。大家有機會也可以試試,現在星期一至日都開,都幾方便,但請自行承擔風險。

如果有咩問題都可以直接問客服,利申本人跟美國快遞沒有任何關係。

 

Amazon 免運費集

Amazon 免運費集

早前介紹了Amazon US 可以直接免費寄到香港,不求人可以用最平方式入貨。 但其實可以寄的物品,不算多,今次介紹下有咩好推介。

Amazon 八折Code教學

US Amazon 免運費寄到香港

 

1. New Balance 鞋 平鞋唔算多,唯一好是直寄香港免運費同埋可以用八折Code >> http://goo.gl/UBLxNO New Balance 1600 Grey/black/red Size 10+ 都有貨

價錢US$97.46 *0.8 (八折Code) *(7.9 匯率) = HK$615 (買滿US$150,直送香港) new balance 1600

 

依對New Balance 574 Passport Classic 都ok ge

價錢US$59.98* 0.8*7.9 ~HK$380 newBalance574   2. Clarks

筆者最喜歡的Clarks亦都免香港運費

>> http://goo.gl/yzn7DK 今日Desert Boot無特價,但仲有其他抵買,Wallabee Boot都OK.

Clarks Men’s Bushacre 2 Boot 價錢US$60.57*0.8*7.9~HK$385 Clarks 3. Sperry Boat Shoes 帆船鞋

夏天到,可以入返對

>> http://goo.gl/JoUnpR

Sperry Top-Sider Men’s Authentic Original

US$63.75*0.8*7.9 ~HK$400 Sperry boat shoes 暫時講到依度,下回再詳

Amazon 八折Code教學

Amazon 八折Code教學

繼承之前的POST,其實取得八折優惠Code不太難。

建議開新帳號,

首先進入Amazon網頁,然後按下Sign up

Amazon 8折Code之後會彈出一個細pop up,你按下全部然後Subscribe,當有優惠資訊,Amazon就會寄相關的資料。

之後你就會收到個Code,應該只可以用一次,可以用於Sold and Ship by Amazon的Clothing, shoes, jewelry & watches,頭先試過可以配合免運費寄到黎香港。仲唔行動?

Amazon 八折 Code

用法就係俾錢時輸入返個Code,我試過舊acc入,用唔到。但新Acc就一試即無問題,大家可以試試看,記得有效期是30日。

US Amazon 免運費寄到香港

US Amazon 免運費寄到香港

US Amazon 自己訂不求人,甚至可免運費寄到香港

今次我將會介紹點樣直接由Amazon US自己訂返香港,完全唔洗經團購/網購/集運 / 代購,方法簡單直接,避免中間食左好多水,而且係官方提供運送方法,不用怕被騙,更不用到指定地方取,可以直寄香港住宅地址,甚至可以免運費,歡迎大家跟朋友分享最平最抵網購Amazon US的方法,你的分享才是我分享的動力,大家可以轉貼本網網址,但記住貼本網網址,支持一下,謝謝!

利申:我未試過,但我相信官方的運送方法應該可靠,但請自行考慮是否選用及承擔有關風險。

物品條件,一定要Ship by amazon,其次購買滿US$150,以物品種類只限部分,實際點界定有待調查。

今次我將會以New Balance 1300 Classic做例子,為左符合US$150,所以我會選擇買兩對,而且仲可以用到八折優惠,折實兩對加免運費只要US$188.96(記住一定要選美金,直接比港幣仲衰過信用卡匯率),計返港幣都係HK$750(約1:7.9)左右。

八折Code教學

http://life328.com/amazon-%E5%85%AB%E6%8A%98code%E6%95%99%E5%AD%B8/

首先以下依對New Balance ML 1300 ,係Ships from and sold by Amazon.com

免運費 平 訂購 New balance 1300

 

跟住加入Cart,然後Proceed to check out ,輸入地址

Amazon New Balance

 

之後就會見到可以選擇運送方法,當然選最平果個 Free AmazonGlobal Shoes Saver。

Ship to Hong Kong

下一步就係付款方法同使用優惠Code,點樣申請我會另外教大家,但好似未必所有帳號都得。依家優惠為8折,所以有US$47.24折扣,一般都是信用卡付款。

Amazon free shipping

去到最後一頁就可以落單,記住選啱所有野,用美金付款,免運費,正確地址同產品。

Amazon order shoes最後就係等送貨,佢寫要8-16days,大家試完,歡迎報一報花左幾耐。

最後原價US$159一對的New Balance 1300送到上門都係US$94.48(~HK$750),已經包左運費,又可以免稅,完全平過所有團購/網購/代購 / 集運(唔洗再用us-ex),六折左右!抵抵抵!

記住要Ship & Shop from Amazon同買滿US$150,另外鞋八折優惠碼將於下篇推出教學,請密切留意。

請like我地的Facebook,支持我地!有咩問題可以係Facebook 問 = )

 

美國網購

美國網購

網上購物在美國十分普遍,可以買到的東西也很多,有日常用品,衣服,鑽飾,眼鏡都十分多。正因為美國網購十分廣泛造成大家都能輕易買到美國的東西。但有兩樣事項要注意的是大部分產品都只能運送到美國境內,其次是美國有銷售稅,不同州有不同的稅,所以要多找免稅州的轉運。

準備東西:
1.信用卡 (建議American Express,因為一般網站都可能要求美國信用卡,而AE卡就相對較易被認定為美國信用卡,所以無咁易被CUT單。當然VISA/MASTER都無問題)
2. VPN (因為部分網站只允許美國IP,所以大家要透過VPN令自己的IP成為美國IP,如果大家不知道是什麼就可以去GOOGLE一下,我也不詳提。不過暫時大部分網站都不需要,好似有A&F和tommy才有這個限制,所以這個可有可無。)

程序
1.自行從美國網站訂購
2.美國的轉運收到及付國際運費,寄回香港
3.寄到香港,自行取貨

價錢
貨物的收費一般是物件的價錢+稅+美國境內運費,還有你自身信用卡不同貨幣的匯率(一般是$US1=$HK7.9)

假如要寄到加州和網上標價US$100的東西,費用應該這樣計算

($100*1.1(加州稅為10%)+8(國內運費一般最平要7.X))*7.9 = HKD$932 (這個還未計算國際運費和轉運的手續費)
所以大家買東西時,請衡量價錢是否化算,有機會可能貴過香港,所以多數SALE+免稅州+免境內運費是最化算的。

國際運費
從美國運回香港有不同的方法,有些跟淘寶的集運,但會有風險,不過相對便宜,運費可以參考遲一點的簡介。

海淘重點教學
貨幣
有不少網站會提供多種貨幣付款,一定要選美金,因為這些網站上的匯率會比銀行的匯率+手續費差,所以最抵都是以美國作單位。

免稅州
正如我之前提及美國有銷售稅,暫時以下幾個州是沒有稅,不過因為有些偏遠,所以運送時間會較長,同時有部分集運免稅州收費會高一點。
Oregon (OR) <-這個是比較多轉運站
Alaska (AK)
Delaware (DE) <-這個是比較多轉運站
Montana (MT)
New Hampshire (NH)

Zip Code
美國太大了,所以都會有相對的ZIP CODE給不同的地方和區域,所以運送時一定要填上,千萬別填錯,有時稅的計法也有機會依這個來計。
E.G 90004 Los angeles, California
97008 Beaverton, Oregon

電話格式
一般轉運都會提供電話,格式為 912-234-1234